പുതുതായി കൊവിഡ് ബാധ റിപ്പോര്‍ട്ട് ചെയ്യപ്പെട്ട ജില്ലയിലെ 19 തദ്ദേശ സ്വയംഭരണ വാര്‍ഡുകള്‍ കൂടി കണ്ടെയിന്‍മെന്റ് സോണുകളായി ജില്ലാ കലക്ടര്‍ പ്രഖ്യാപിച്ചു. ആന്തൂര്‍ 24, ചപ്പാരപ്പടവ് 5, കുന്നോത്തുപറമ്പ 1, മട്ടന്നൂര്‍ 16, ചിറ്റാരിപ്പറമ്പ 4, കീഴല്ലൂര്‍ 7, തലശ്ശേരി 17, 27 എന്നീ വാര്‍ഡുകളുമാണ് പുതുതായി കണ്ടെയിന്‍മെന്റ് സോണുകളായത്. ഇവിടങ്ങളില്‍ വിദേശ രാജ്യങ്ങളില്‍ നിന്നും ഇതര സംസ്ഥാനങ്ങളില്‍ നിന്നും എത്തിയവര്‍ക്കാണ് കൊവിഡ് ബാധയെന്നതിനാല്‍ രോഗികളുടെ വീട് കേന്ദ്രമാക്കി 100 മീറ്റര്‍ ചുറ്റളവില്‍ വരുന്ന പ്രദേശങ്ങളാണ് കണ്ടെയിന്‍മെന്റ് സോണുകളാക്കുക.
ഇതിനു പുറമെ, സമ്പര്‍ക്കം മൂലം രോഗബാധയുണ്ടായ പിണറായി 19, ചെറുതാഴം 2, കടമ്പൂര്‍ 13 , ചെമ്പിലോട് 11, അഞ്ചരക്കണ്ടി 12, കോളയാട് 9, 10, 13, ഇരിക്കൂര്‍ 7, 8, മാട്ടൂല്‍ 12 എന്നീ വാര്‍ഡുകളും പൂര്‍ണമായി അടച്ചിടും
Post a Comment