ഹെൽത്ത് ഇൻസ്പെക്ടർക്ക് കോവിഡ്; ചെറുതാഴം കുടുംബാരോഗ്യ കേന്ദ്രം അടച്ചു

പിലാത്തറ: 

പിലാത്തറയിൽ പ്രവർത്തിക്കുന്ന ചെറുതാഴം കുടുംബാരോഗ്യ കേന്ദ്രത്തിലെ ജൂനിയർ ഹെൽത്ത് ഇൻസ്പെക്ടർക്ക് കോവിഡ് സ്ഥിരീകരിച്ചു. ഇദ്ദേഹത്തെ അഞ്ചരക്കണ്ടി മെഡിക്കൽ കോളേജ് ആസ്പത്രിയിലേക്ക് മാറ്റി. ആരോഗ്യ പ്രവർത്തകന് കോവിഡ് സ്ഥിരീകരിച്ചതോടെ കുടുംബാരോഗ്യകേന്ദ്രം പൂട്ടി. സഹപ്രവർത്തകരായ ആരോഗ്യ പ്രവർത്തകരോട് ഹോം ക്വാറന്റീനിൽ കഴിയാൻ ഉത്തരവിട്ടു. 29-നാണ് ഇദ്ദേഹം അവസാനമായി ജോലിക്ക് വന്നത്. എവിടെനിന്ന് രോഗം പിടിപ്പെട്ടുവെന്ന് വ്യക്തമായിട്ടില്ല. ചൊവ്വാഴ്ചമുതൽ പ്രവർത്തനം തുടങ്ങാനാണ് ജില്ലാ മെഡിക്കൽ ഓഫീസറുടെ നിർദ്ദേശമെന്ന് മെഡിക്കൽ ഓഫീസർ ഡോ. കെ.രഞ്ജിത്ത് പറഞ്ഞു. ജോലിയിൽ ഒന്നിച്ച് അടുത്ത് ഇടപഴകി പ്രവർത്തിച്ചവർ രണ്ടാഴ്ചത്തെ നിരീക്ഷണത്തിൽ തുടരും.