നടി മാളവിക മോഹനന്‍റെ ഫോട്ടൊഷൂട്ട് ചിത്രങ്ങളെല്ലാം സോഷ്യൽ മീഡിയയിൽ തരംഗമാകാറുണ്ട്. ഇപ്പോഴിത മാളവിക പങ്കുവച്ചിരിക്കുന്ന പുതിയ ചിത്രങ്ങളാണ് സൈബറിടങ്ങളിൽ ശ്രദ്ധേയമാകുന്നത്. പരമ്പരാഗത വേഷത്തിലാണ് ഇത്തവണ താരമെത്തിയിരിക്കുന്നത്. അർജുൻ കാമത്താണ് മാളവികയുടെ ഗ്ലാമറസ് ചിത്രങ്ങൾ പകർത്തിയിരിക്കുന്നത്. ഉർവശി എന്നാണ് ചിത്രത്തിന് മാളവിക ക്യാപ്ഷൻ നൽകിയിരിക്കുന്നത്.
പുരാണ കഥാപാത്രമായ ഉർവശിയെ പുനരാവിഷ്കരിച്ചിരിക്കുകയാണ് ഈ ഫോട്ടൊഷൂട്ടിലൂടെ മാളവിക. നിരവധി പേരാണ് മാളവികയുടെ ചിത്രങ്ങൾക്ക് കമന്‍റുമായെത്തിയിരിക്കുന്നത്. ദുൽഖർ സൽമാന്‍റെ നായിക ആയാണ് മാളവികയുടെ സിനിമ അരങ്ങേറ്റം. ആദ്യ ചിത്രം വലിയ ഹിറ്റായില്ലെങ്കിലും മാളവിക തെന്നിന്ത്യയിൽ അറിയപ്പെടുന്ന താരമായി മാറുകയായിരുന്നു.
രജനികാന്തിന്‍റെയും വിജയ്‌യുടെയും സിനിമകളിലും മാളവിക അഭിനയിച്ചു. ഹീറോ, ധനുഷ് ചിത്രം മാരൻ എന്നിവയാണ് മാളവികയുടേതായി ഇനി പുറത്തിറങ്ങാനുള്ള ചിത്രങ്ങൾ. മജിദ് മജിദീയുടെ ബിയോണ്ട് ദ് ക്ലൗഡ്സിൽ ഇഷാൻ ഖട്ടറുടെ നായികയായും മാളവികയാണെത്തുന്നത്.
إرسال تعليق